“Vodiy-Toshkent” yoʻnalishida harakatlanib kelayotgan Kobalt rusumli avtomobil yoʻlovchisining sumkasidan “gashish” giyohvandlik moddasi topildi. Bu haqida Namangan viloyati Ichki ishlar boshqarmasi xabar berdi.

Unda aytilishicha, kecha, 4-avgust kuni “Vodiy-Toshkent” yoʻnalishida harakatlanib kelayotgan, Andijon viloyati Andijon shahrida yashovchi, 1998-yilda tugʻilgan M.A. boshqaruvidagi “Cobalt” rusumli avtomashinasi IIB xodimlari tomonidan toʻxtatilib tekshirilganda, avtomashinada yoʻlovchi sifatida kelayotgan, Andijon viloyati Andijon shahrida yashovchi, 1998-yilda tugʻilgan O.J.ga tegishli sumkada 1.64 gramm “Gashish” giyohvandlik moddasi borligi aniqlangan.

Hozirda mazkur holat yuzasidan Pop tuman IIB Tergov boʻlinmasi tomonidan Oʻzbekiston Respublikasi Jinoyat kodeksining 276-moddasi 1-qismi bilan jinoyat ishi qoʻzgʻatilib, hozirda tergov harakatlari boshlab yuborilgan.

Eslatib oʻtamiz, avvalroq, Qoʻrgʻontepalik ogʻufurush qirgʻizistonlik narkosavdogardan sotib olingan 2 kg “gashish” moddasini oʻz avtomashinasida olib ketayotganda Davlat xavfsizlik xizmati xodimlari tomonidan qoʻlga olingani haqida xabar berilgan edi.