Foto: uz24

Toshkent—Buxoro—Toshkent yoʻnalishida qoʻshimcha “Afrosiyob” yoʻlovchi poyezdlar harakati yoʻlga qoʻyiladi. Bu haqda “Oʻztemiryoʻlyoʻlovchi” aksiyadorlik jamiyati matbuot xizmati maʼlum qildi.

Qayd etilishicha, ushbu reyslar harakati joriy yilning 23-avgust kunidan haftaning har juma, shanba va yakshanba kunlari amalga oshiriladi. “Afrosiyob” elektropoyezdining qoʻshimcha harakati 778/777-sonli “Toshkent—Buxoro—Toshkent” yoʻnalishida yoʻlga qoʻyildi.

Maʼlum boʻlishicha, poyezd quyidagi jadval asosida harakatlanishi koʻzda tutilmoqda:

778-sonli Toshkent—Buxoro yoʻnalishi

Toshkent 6:59 — Buxoro 11:05.

777-sonli Buxoro—Toshkent yoʻnalishi

Buxoro 16:12 — Toshkent 20:20.

“Qoʻshimcha maʼlumotni Toshkent shahridagi 1005 qisqa telefon raqami, joylardagi temir yoʻl chiptaxonalari hamda maʼlumotlar byurosidan bilib olish mumkin. Chiptalarni nafaqat temir yoʻl chiptaxonalaridan, balki elektron tarzda ushbu havola orqali xarid qilsa boʻladi”, deyiladi xabarda.

Avvalroq, oʻzbek sanʼati yulduzlari Xiva—Andijon poyezdida konditsioner ishlamayotganidan norozilik bildirgandi.