Bugun Qoraqalpogʻiston yoshlari uchun xorijiy va nodavlat OTMlariga 200 ta maqsadli kvota uchun roʻyxatdan oʻtishning oxirgi kuni

17:16 06 Oktyabr 2025 Jamiyat
453 0

Qoraqalpogʻiston yoshlari uchun xorijiy va nodavlat OTMlariga 200 ta maqsadli kvota uchun roʻyxatdan oʻtish bugun yakunlanadi. Bu haqida Bilim va malakalarni baholash agentligi xabar berdi.

Maʼlumki, Qoraqalpogʻiston Respublikasida doimiy yashaydigan va umumiy oʻrta, oʻrta maxsus yoki kasbiy taʼlim muassasalarini tamomlagan yoshlarga respublikada faoliyat yuritayotgan nodavlat va xorijiy oliy taʼlim tashkilotlari hamda ularning filiallariga davlat granti asosida qoʻshimcha 200 ta maqsadli qabul parametrlari ajratilgan edi.

Bugun, 6-oktyabr kuni ushbu kvota uchun roʻyxatdan oʻtish va toʻlovni amalga oshirishning oxirgi kuni.

Maʼlumot uchun, roʻyxatdan oʻtgan abituriyentlar uchun test sinovlari talabgorlar sonidan kelib chiqqan holda 2025-yil 12-oktyabrga qadar oʻtkazilishi belgilangan.

Tanlov natijalari 2025-yil 17-oktyabrga qadar “my.uzbmb.uz” saytida eʼlon qilinadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?