Foto: РИА Новости

Italiyaning “Milan” klubining shvetsiyalik hujumchisi Zlatan Ibragimovich yana terma jamoaga jalb etildi.

“La Gazzetta dello Sport” nashrining yozishicha, hujumchi 2022-yil boʻlib oʻtadigan jahon chempionati saralash bosqichi uchrashuvlarida terma jamoa sharafini himoya qilishi mumkin.

Manbaga koʻra, 39 yoshli hujumchi hozircha faqat terma jamoaning kengaytirilgan roʻyxatiga kiritilgan, ammo katta ehtimol bilan yakuniy roʻyxatda qolishi mumkin.

Jahon chempionatining saralash bosqichi doirasida Shvetsiya 25-mart kuni oʻz maydonida Gruziya bilan, 28-mart kuni esa mehmonda Kosovo bilan uchrashuv oʻtkazadi. Shuningdek, 31-mart kuni shvedlar Estoniya bilan nazorat bellashuvida maydonga chiqadi.

Ibragimovich 2001 — 2016-yillarda Shvetsiya terma jamoasi sharafini 116 uchrashuvda himoya qilib, 62 ta gol muallifi boʻlgan. 2016-yilgi Yevropa chempionatidan soʻng u terma jamoadagi ishtirokini tugatgan edi.

Sudning adolatsiz hukmiga toʻrt yildan soʻng adolatli nuqta qoʻyildi