Belgraddagi maktablardan birida oʻquvchi kamida toʻqqiz kishini otib oʻldirdi
Foto: AP
Belgradda 14 yoshli oʻsmir maktab qoʻriqchisini otib oʻldirdi va bir necha oʻquvchini yaraladi.
Serbiya poytaxti Belgrad shahri markazidagi maktablardan biriga voyaga yetmagan bola qurol bilan kelib bilan oʻt ochgan. Otishma natijasida bir nafar qoʻriqchi halok boʻlgan, bir nafar oʻqituvchi va bir necha nafar oʻquvchi yaralangan.
Ichki ishlar vazirligining aniqlik kiritishicha, oʻq otgan shaxs taʼlim muassasasining 14 yoshli oʻquvchisi hisoblanadi. U otasining toʻpponchasi bilan otishma sodir etgan. “Bosqinchi” qoʻlga olingan.
Mahalliy “Telegraf” portaliga koʻra, qoʻriqchidan tashqari maktabning sakkiz nafar oʻquvchisi halok boʻlgan. Manba yaradorlar soniga aniqlik kiritmagan. Jarohatlanganlar yaqin atrofdagi shifoxonalarga yetkazilgan. Qayd etilishicha, Tirshova koʻchasidagi bolalar shifoxonasiga uch nafar oʻquvchi yotqizilgan. Ularning ahvoli ogʻir, deb baholanmoqda.
Avvalroq, Braziliyaning San-Paulu shahridagi maktabda 13 yoshli oʻquvchi 71 yoshli oʻqituvchini oʻldirib, yana uch nafar oʻqituvchi va bir oʻquvchini jarohatlagan edi.
Tavsiya etamiz
Ko‘p o‘qilganlar
- Nodirbek Abdusattorov Pragadagi shaxmat festivalida chempionlikni qoʻlga kiritdi
- Matchanov Umirzak Seitjanovichning iqtisodiyot fanlari boʻyicha falsafa doktori (PhD) dissertatsiya himoyasi eʼloni
- Yaqin Sharqdagi keskinlikning narxi: AQSH, Isroil hamda Eron urush uchun qancha sarflayapti?
- “Barselona” qiyin gʻalabani qoʻlga kiritdi
- Ayollar Osiyo chempionati musobaqasining 3-tur oʻyinlari davom ettirildi
- Tramp Erondagi harbiy operatsiya “deyarli yakunlanganini” maʼlum qildi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring