Foto: sportsduina

“Barselona” Joan Gamper kubogida Fransiyaning “Monako” klubiga 0:3 hisobida yutqazib qoʻydi. Bu haqda “Bein Sports” nashri xabar bermoqda.

Dastlabki optimizm va kuchli boshlangʻich tarkibga qaramay, “Barselona” oʻz imkoniyatlaridan unumli foydalanishga qiynaldi. “Monako” esa ikkinchi boʻlimda oʻz imkoniyatlaridan unumli foydalandi.

“Monako” futbolchisi Lamin Kamara tanaffusdan koʻp oʻtmay himoyadagi xatodan foydalanib hisobni ochdi. Breyel Embolo tezda ikkinchi golni, Kristian Mavissa esa uchinchi golni kiritdi.

Gap shundaki, fransuzlar katalonlarning 12-yildan beri davom etayotgan gʻalabali seriyasini toʻxtatdi. Ushbu oʻrtoqlik maqomidagi kubok uchun finalga chaqiriladigan har bir jamoa ushbu sovrinni shu yerda qoldirib ketardi. Masalan, soʻnggi marotaba 2012-yilda Italiyaning “Sampdoria” klubi 0:1 hisobida “Barselona” ustidan gʻalaba qozongandi.

Gamper kubogi 1966-yildan beri oʻtkazib kelinadi va 46 marotaba kubok Kataloniyada qolgan. Chaqiriladigan raqiblar asosan “yutqazib berish” uchun keladi deyish ham mumkin.

Avvalroq, Parij-2024 qahramonlari Prezident sovgʻalarini qabul qilib olishgandi.