Kecha, 28-sentyabr kuni Ispaniya La Ligasining 7-turidan oʻrin olgan bahslar yakunlandi. Kun doirasida “Barselona” klubi oʻz maydonida “Real Sosiyedad”ni qabul qildi. Uchrashuv Hans Flik jamoasining gʻalabasi bilan yakunlandi.

Uchrashuvda hisob 31-daqiqada Alvaro Odriosola tomonidan ochildi. Oradan 12 daqiqa oʻtib, “Barselona” himoyachisi Jyul Kunde hisobni tenglashtirdi. Birinchi taym shu hisob bilan yakunlandi.

Ikkinchi boʻlimning 59-daqiqasida “Barselona” gʻalaba golini kiritdi. Jarohatdan qaytgan Lamin Yamalning uzatmasidan soʻng, Robert Levandovski hisobni 2:1 koʻrinishiga keltirdi. Bahsning qolgan daqiqalarida hisob oʻzgarmadi va “Barselona” La Ligadagi oltinchi gʻalabasini qoʻlga kiritdi.

Mazkur gʻalaba evaziga “kataloniyaliklar” La Liga turnir jadvalida 1-oʻringa koʻtarilib oldilar. Ayni paytda “koʻk-anorranglilar” hisobida 19 ochko mavjud.

Oʻyindan soʻng, “Sofascore” portali “Barselona” yarim himoyachisi Pedrini “oʻyin qahramoni” deb topdi. Uning harakatlari portal tomonidan 8,1 ballga baholandi.

Maʼlumot uchun, “Barselona” keyingi oʻyinini UEFA Chempionlar ligasi doirasida PSJga qarshi oʻtkazadi. Mazkur oʻyin 2-oktyabr sanacida boʻlib oʻtadi.