Baxtiyor Saidov Germaniyaning mamlakatimizdagi elchisi Tilo Klinner bilan uchrashuv oʻtkazdi

02:02 13 Yanvar 2023 Siyosat
1081 0

Foto: Tashqi ishlar vazirligi matbuot xizmati

Oʻzbekiston Respublikasi Tashqi ishlar vaziri v.b. Baxtiyor Saidov 2023-yil 12-yanvar kuni Germaniya Federativ Respublikasining mamlakatimizdagi Favqulodda va muxtor elchisi Tilo Klinner bilan uchrashuv oʻtkazdi. Unda Oʻzbekiston-Germaniya munosabatlarini yanada rivojlantirishning dolzarb masalalari muhokama qilindi.

Oliy va yuqori darajadagi siyosiy muloqot ijobiy surʼatlarda rivojlanayotgani mamnuniyat bilan qayd etildi.

Tomonlar ikki va koʻp tomonlama shakllarda rejalashtirilgan tadbirlarning tashkiliy va mazmunli jihatlari yuzasidan fikr almashdilar.

Oʻzbekiston va Germaniya savdo-iqtisodiy hamkorlikni kengaytirish, jumladan, mamlakatlar oʻrtasidagi tovar ayirboshlash hajmini diversifikatsiya qilish va qoʻshma korxonalar sonini koʻpaytirishdan manfaatdor ekani taʼkidlandi.

Madaniyat, taʼlim va fan sohalarida Oʻzbekiston-Germaniya hamkorligini kengaytirish imkoniyatlariga alohida eʼtibor qaratildi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер