Bayden 2025-yil uchun mudofaa byudjetini tasdiqladi

16:50 24 Dekabr 2024 Dunyo
283 0

Prezident Jo Bayden AQSHning 2025-yilgi mudofaa byudjetini tasdiqladi. Bu haqida Oq uy xabar bergan.

“Prezident 2025-yil uchun, birinchi navbatda, Mudofaa vazirligi va harbiy qurilish dasturlari, Energetika vazirligining milliy xavfsizlik dasturlari va razvedka dasturlari uchun ajratmalar toʻgʻrisida”gi qonunni imzoladi», — deyiladi xabarda.

Avvalroq 895 milliard dollarlik mudofaa byudjeti AQSH Kongressining har ikki palatasi tomonidan tasdiqlagan edi.

18-dekabrda berilgan xabarda byudjet loyihasi AQSHning Hind-Tinch okeani hududidagi ishtirokini kuchaytirish, harbiy xizmatchilarning ish haqlarini oshirish, yettita yangi kema qurish va mamlakat mudofaa sanoati bazasini mustahkamlash kabi choralarni qamrab olishi aytilgandi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?