Ashxobodda Alisher Navoiy haykali oʻrnatildi
![](https://xs.uz/upload/post/2024/05/20/5c33b2b848df19a7ef99a2bc07faf19f0520.jpg)
Turkmaniston poytaxti Ashxobod shahrida atoqli turkman shoiri va mutafakkiri Maxtumquli Firogʻiy nomidagi madaniyat va istirohat bogʻi majmuasining tantanali ochilish marosimi boʻlib oʻtdi.
Majmuaning tantanali ochilish marosimida Turkmaniston Prezidenti Serdar Berdimuhamedov ishtirok etdi.
Bogʻning markaziy qismi – Maxtumquli Firogʻiy yodgorligidir. Bronzadan yasalgan haykalning balandligi 60 metr, poydevorning diametri 25 metr. Yodgorlik jahonga mashhur yozuvchilarning 24 haykalini birlashtirgan yangi madaniyat va istirohat bogʻi majmuasining markaziy qismiga aylandi.
Maxtumquli yodgorligi atrofida jahon adiblari va atoqli shaxslarining haykallari oʻrnatildi. Jumladan, majmuada Onore de Balzak, Iogan Volfgang Gyote, Rabindranat Tagor, Uilyam Shekspir, Fyodor Dostoyevskiy, Dante Aligeri, Sayat-Nova va boshqa koʻplab dunyo adabiyotining yorqin vakillarining mahobatli haykallari qad koʻtargan.
Majmuada buyuk oʻzbek shoiri Alisher Navoiy haykali ham oʻzining munosib oʻrnini egalladi. Yodgorlikning ochilish marosimida mehmonlar ulugʻ shoirning oʻzbek xalqi maʼnaviyatining ajralmas qismi boʻlgan va keyingi davrlar lirikasiga ulkan taʼsir koʻrsatgan betakror ijodiy merosini alohida taʼkidladilar. Ijodiy jamoalar tomonidan Alisher Navoiy asarlari oʻzbek va turkman tillarida ijro etildi.
Turkmaniston hukumati aʼzolari, diplomatik korpus va xalqaro tashkilotlar vakillari yodgorliklar poyiga gul qoʻydilar.
Tavsiya etamiz
Ko‘p o‘qilganlar
- Dam olish kunlari harorat +27 darajagacha pasayadi
- “Barselona”ga kelgan Dani Olmo klubni qiyin ahvolga solib qoʻydi
- Bir oylik harbiy xizmat toʻlovi miqdori oshiriladi
- Mbappe “Real” uchun gol urgan oʻyinda UYEFA Superkubogiga ega chiqdi
- “Andijon” klubi futbolchisi Milliy gvardiya xodimini urib, jarohat yetkazdi
- YHXB: Tartibga solinmagan oʻtish joyidan oʻtayotgan piyodalardan qoʻllarini baland koʻtarishni soʻraymiz
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring