Foto: Newsweek

Eron yadro dasturini yanada kengaytirishni maqsad qilib, Gʻarbiy Afrikadan uran olishga intilmoqda. Bu harakat AQSH va boshqa Gʻarb davlatlarida xavotir uygʻotgan. Bu haqda “Newsweek” nashri xabar berdi.

Yadro qurollarini nazorat qilish uchun turli saʼy-harakatlarga qaramay, Eron dunyodagi eng ilgʻor yadroviy dasturlaridan birini saqlab kelmoqda. Oxirgi xabarlar mamlakatning yadroviy faoliyati jadallashib borayotganidan dalolat beradi.

Nigerdagi vaziyat ham bu tashvishlarga sabab boʻlyapti. 2023-yil iyuldagi harbiy toʻntarishdan soʻng, Rossiyaning Vagner guruhi tomonidan qoʻllab-quvvatlangan yangi rahbariyat Rossiya va Eron bilan yaqinlik koʻrsatdi.

Iyun oyida Eron uranni yangi ilgʻor sentrifugalarda boyitishni boshladi. Buyuk Britaniya Tashqi ishlar vazirligi Eron hech qachon yadroviy qurol ishlab chiqmasligini taʼkidlab, mamlakatning yadroviy faoliyatini toʻxtatishga chaqirgan.

AQSH Davlat kotibi Entoni Blinken oʻtgan hafta Eronga qarshi yangi sanksiyalarni eʼlon qilgandi. Uning taʼkidlashicha, Tehronning yadroviy dasturini kengaytirish borasidagi harakatlari juda katta xavfni yuzaga keltiradi.

Avvalroq AQSH Yevropadagi yadro qurollarini faol yangilayotgani haqida xabar berilgandi.