Foto: AP

Oq uy AQSH prezidenti Jo Baydenning advokatlari uning Uilmingtondagi uyi garajidan maxfiy hujjatlarni topganini tasdiqladi.

Hujjatlar saqlash xonasida “shaxsiy va siyosiy qogʻozlar orasidan” topilgan. Yana bir hujjat garajga tutash xonadan topilgan. Advokatlar, shuningdek, Baydenning “Rehoboth Beach”dagi plyajdagi uyini tintuv qilishdi, ammo u yerda hech narsa topmadilar.

“Oq uy koʻrib chiqish boʻyicha Adliya vazirligi bilan hamkorlikni davom ettirmoqda”, deyiladi bayonotda.

Eslatib oʻtamiz, avvalroq AQSH Kongressi Vakillar palatasining razvedka boʻyicha doimiy qoʻmitasi Amerikaning amaldagi yetakchisi vitse-prezidentligi davridagi maxfiy hujjatlar topilganini tekshirishga chaqirgan edi. Keyinchalik Bayden yordamchilari Oq uy rahbariga tegishli maxfiy hujjatlarning ikkinchi partiyasini topdilar.

Qoʻshma Shtatlar razvedkasining sobiq xodimi Edvard Snouden Bayden koʻplab maʼlumot tarqatuvchilardan koʻra koʻproq maxfiy hujjatlarni “oʻzi bilan olib ketgan” deb masxara qildi. Uning eslatishicha, AQSHda Milliy xavfsizlik agentligi maʼlumotlarini oshkor qilganlikda ayblangan “Reality Winner” bitta hujjat uchun besh yilga ozodlikdan mahrum etilgan.

Bayden oʻz uyida maxfiy hujjatlar mavjudligiga izoh berdi

AQSH prezidenti Jo Bayden shaxsiy kutubxonasidagi uyida maxfiy hujjatlar mavjudligiga izoh berdi. 

U advokatlari haqiqatan ham yaxshi himoyalanmagan maxfiy hujjatlarni aniqlaganini tasdiqladi. Bundan tashqari, u advokatlar bu haqda darhol Qoʻshma Shtatlar Adliya vazirligiga xabar berishini qoʻshimcha qildi.

Avvalroq amerikalik siyosatchining yordamchilari Oq uy rahbariga oid maxfiy hujjatlarning ikkinchi partiyasini topgandi. Taʼkidlanishicha, hujjatlar Bayden mamlakatning sobiq yetakchisi Barak Obama maʼmuriyatidan ketganidan keyin egallab olgan Vashingtondagi ofis tashqarisidagi joyda saqlangan.

AQSH Kongressi maxfiy hujjatlar ishi boʻyicha tekshiruv oʻtkazishga chaqirdi. Qayd etilishicha, siyosatchi milliy xavfsizlikni himoya qilish toʻgʻrisidagi qonunlarni buzishi mumkin.