Osiyo Elit chempionlar ligasi musobaqasining 3-tur oʻyinlari ortda qoldi. Kecha, 21-oktyabr kuni tur doirasidan oʻrin olgan bahsda Qarshining “Nasaf” klubi Dubayda “Shabab Al-Ahli” jamoasi bilan kuch sinashdi.

Uchrashuvda hisob 8-daqiqada Federiko Kartabia tomonidan ochildi. Oradan 2 daqiqa vaqt oʻtib, Zafarmurod Abdurahmatov hisobni tenglashtirdi.

27-daqiqada “dubayliklar”ning braziliyalik futbolchisi Renan jamoasining ikkinchi golini kiritdi. Taym soʻnggida Mateusao hisobni 3:1 koʻrinishiga keltirdi.

Ikkinchi boʻlimda kerakli natijani hal etib boʻlgan mezbonlar biroz erkinroq oʻynadi. 90+5-daqiqada Breno Kaskardo jamoasining soʻnggi golini kiritdi. Yakuniy hisob — 1:4, “Shabab Al-Ahli” foydasiga.

“Shabab Al-Ahli” – Nasaf 4:1

Gollar: Federiko Kartabia (9), Renan Viktor (27), Lima (41) – Zafarmurod Abdurahmatov (10).

“Shabab Al-Ahli”: 22. Hamad Abdulla, 4. Bogdan Planich, 6. Said Izzatullohi, 9. Munas Dabbur, 10. Federiko Kartabia, 13. Renan Viktor, 19. Lima (80. Breno Kaskardo Lemos, 71), 23. Mersad Seifi (25. Igor Gomes, 71), 75. Mateus Silva (31. Kavan Silva, 71), 77. Bala, 88. Nemanya Maksimovich.

“Nasaf”: 1. Oleksandr Vorobey, 2. Alibek Davronov, 7. Adenis Shala (18. Husayn Norchayev, 62), 8. Zafarmurod Abdurahmatov (Diyorbek Abdunazarov, 80), 10. Dragan Cheran, 14. Sharof Muhitdinov (77. Oybek Bozorov, 46), 22. Igor Golban (9. Javohir Sidiqov, 62), 24. Sardorbek Bahromov, 28. Shuxrat Muhammadiyev (19. Stefan Cholovich, 46), 34. Sherzod Nasrullayev, 92. Umarbek Eshmurodov.