22 mingdan ziyod xodim ishlaydigan 59 ta ip-yigiruv korxonasiga oyiga 25 ming tonna tola yetishmaydi
Foto: president.uz
Prezident raisligida videoselektor yigʻilishi boʻlib oʻtmoqda. Bu haqda Prezident matbuot kotibi Sherzod Asadov xabar berdi.
Yigʻilishda toʻqimachilik korxonalarini paxta tolasi va ip-kalava bilan uzluksiz taʼminlash zarurligi taʼkidlandi.
Ichki bozorda tanqislik tufayli paxta tolasining narxi xalqaro birjalardan yuqori boʻlib, 1 tonnasi 37 million soʻmgacha yetmoqda. Oqibatda 22 mingdan ziyod xodim ishlaydigan 59 ta ip-yigiruv korxonasiga oyiga 25 ming tonna tola yetishmaydi.
Shu bois, Komissiya nazorati ostida:
— Nyu-York birjasida paxta tolasi narxi keskin oshsa, tola mahalliy birjaga 10 foiz chegirma bilan qoʻyiladi;
— klasterlar oʻz ehtiyojidan ortiq tolani oyma-oy majburiy birjaga chiqaradi;
— barcha ip-kalava korxonalari ishlab chiqargan mahsulotning kamida 30 foizini birja orqali sotadi;
— birjada sotib olingan ip-kalava uchun toʻlovni bank kafolati orqali 3 oygacha boʻlib-boʻlib toʻlash mexanizmi joriy etiladi;
— qayta ishlash quvvatlariga ega boʻlmagan klasterlarga imtiyozli kredit 14 oyga beriladi (hozir – 24 oy).
Tavsiya etamiz
Ko‘p o‘qilganlar
- Saudiya Arabistonida “Oʻzbekiston madaniyati kunlari” davom etmoqda
- Toshkentda “Oʻzbekkosmos” va “NASA” agentliklari hamkorligida “NASA Space Apps Challenge 2025” Hakaton tadbiri oʻtkazilmoqda
- Super oy: Bugun Yerning tabiiy yoʻldoshi odatdagidan ancha katta koʻrinmoqda
- JSST: Gʻazoda birorta shifoxona toʻliq ishlamayapti
- Aholi va qishloq xoʻjaligini roʻyxatga olishga tayyorgarlik koʻrish va uni oʻtkazish tartibi belgilandi
- Markaziy Osiyo pedagoglari Nukusda jam boʻldi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring