“Uzbekistan Airways” aviakompaniyasining rasmiy Telegram-kanalida 2026-yildan boshlab qoidalarda nimalar oʻzgarayotgani toʻgʻrisida maʼlumot berildi.

Unda aytilishicha, agar siz “borish-kelish” chiptasini xarid qilgan boʻlsangizu, lekin birinchi reys bilan uchmagan boʻlsangiz (masalan, Toshkentdan ketishda), qoidalar quyidagicha boʻladi:

• Oʻzbekiston ichida uchayotgan boʻlsangiz (Ichki yoʻnalishlar) – sizning qaytish chiptangiz bekor boʻlmaydi.
• Parvoz: Shu chiptaning oʻzi bilan bemalol qaytish reysiga chiqishingiz mumkin.
• Qaytarish: Oʻtkazib yuborilgan reys uchun faqat aeroport yigʻimlarini qaytarib olish mumkin.
• Almashtirish: Foydalanilmagan qismni boshqa sanaga koʻchirib boʻlmaydi.

Chet elga uchayotgan boʻlsangiz (Xalqaro yoʻnalishlar) – sizning qaytish chiptangiz avtomatik ravishda bekor boʻladi.

• Nima qilish kerak: Chiptani qayta rasmiylashtirish uchun darhol uni xarid qilgan agentingizga, aviakassaga murojaat qilishingiz yoki aviakompaniyaga qoʻngʻiroq qilishingiz kerak boʻladi.
• Asosiy qoida: Parvozlardan chiptada koʻrsatilgan ketma-ketlikda foydalanishga harakat qiling.