“Qishloq xoʻjaligi hamda veterinariya va chorvachilik sohalari kadrlarining malakasini oshirish va qayta tayyorlash tizimini takomillashtirish chora-tadbirlari toʻgʻrisida”gi Prezident qarori qabul qilindi.

Qarorga koʻra, quyidagilar tashkil etiladi:

Qishloq xoʻjaligi sohasi kadrlarining malakasini oshirish va qayta tayyorlash instituti;

Veterinariya va chorvachilik sohasida pedagog hamda mutaxassis kadrlarni qayta tayyorlash va ularning malakasini oshirish instituti;

Ularda qayta tayyorlash va malaka oshirish kurslarini muvaffaqiyatli tamomlagan tinglovchilarga qatʼiy hisobda turadigan davlat namunasidagi hujjat hisoblanadigan sertifikat beriladi.

2025-yil 1-yanvargacha ularga nufuzli xorijiy oliy taʼlim tashkilotlarini bitirgan vatandoshlar va chet ellik mutaxassislar jalb qilinadi.

Shuningdek, “El-yurt umidi” jamgʻarmasi institutlarning mahalliy professor-oʻqituvchilarini jamgʻarma mablagʻlari hisobidan xorijiy yetakchi oliy taʼlim va ilmiy-tadqiqot muassasalariga malaka oshirish, stajirovka va oʻqishga yuborish choralarini koʻradi.