Жиззахда 4 та машина иштирокида ЙТҲ содир бўлди
Фото: Жиззах вилояти ИИБ ЖХХ ЙҲХБ
Жиззах вилоятида 4 та машина иштирокида ЙТҲ содир бўлди. Бу ҳақда вилоят ИИБ ЖХХ Йўл ҳаракати хавфсизлиги бошқармаси ахборот хизмати хабар берди.
Қайд этилишича, ҳодиса 4 сентябрь куни соат тахминан 17:00 ларда Ғаллаорол тумани ҳудудидан ўтган халқаро аҳамиятга эга М39 йўлида содир бўлган.
Дастлабки маълумотларга кўра, йўлнинг довон қисмида ҳаракатланиб келаётган «Газ-52» юк автомашинаси ҳайдовчиси нишабликда бошқарувни йўқотган.
Оқибатда ушбу юк автомашинаси ўзидан олдинда бир йўналишда ҳаракатланиб кетаётган «Captiva»нинг орқа чап ён томонидан ва «Nexia-3»нинг орқа томонидан урган. Тўқнашув оқибатида «Nexia-3» ўзидан олдинда бўлган «Spark» автомашинасининг орқа қисмига урилган.
Ҳодиса оқибатида ҳалок бўлганлар йўқ. «Nexia-3» автомашинаси йўловчисига биринчи тез тиббий ёрдам кўрсатилган.
Ҳодиса жойини кўздан кечириш ва расмийлаштириш вақтида автомобиль йўлида тирбандлик юзага келган.
Тавсия этамиз
Кўп ўқилганлар
- 21 октябрь – Ўзбек тили байрами куни
- Самарқандда ЮНЕСКОнинг 43-сессиясига тайёргарлик авжида
- Аҳоли ва қишлоқ хўжалигини рўйхатга олишга тайёргарлик кўриш ва уни ўтказиш тартиби белгиланди
- Ҳудудларда 34 та юқори технологияли саноат лойиҳалари амалга оширилади
- Эндиликда муддати ўтган товарларнинг сотилиши автоматик равишда чекланади
- Хорижий тилларни ўрганмоқчи бўлган ёшларга «2+6» дастурига мувофиқ субсидия ажратилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг