ЖБКА президенти VII Этноспорт форумида иштирок этди
Жорий йилнинг 19-20 апрель кунлари Россиянинг Санкт-Петербург шаҳрида «Анъанавий спорт турларини қайта тиклаш» мавзусидаги VII Этноспорт форуми бўлиб ўтди.
Бутунжаҳон этноспорт конфедерацияси президенти Нажмиддин Билол Эрдоған ва Россия федерацияси спорт вазири, Россия федерацияси олимпия қўмитаси президенти Михаил Дегтяревнинг таклифига кўра мазкур форумда Жаҳон белбоғли кураш ассоциацияси (ЖБКА) президенти, ҳамюртимиз Азизбек Ғаниев ҳам иштирок этди.
Форум доирасида ЖБКА президенти Россия федерацияси спорт вазири Михаил Дегтярев, Белорус спорт ва туризм вазири Сергей Ковальчук, Қозоғистон туризм ва спорт вазири Ербол Мирзабосинов ҳамда Туркия спорт вазири Осман Ашкин Бак билан белбоғли курашни мазкур давлатларда ҳам ривожлантиришга оид ҳамкорлик учрашувлари ўтказди.
Шунингдек, ЖБКА президенти Бутунжаҳон этноспорт конфедерацияси президенти Нажмиддин Билол Эрдоған билан учрашиб, белбоғли кураш спорт турини этноспорт орқали ҳам қитъалараро янада кенг ривожлантириш борасида фикр алмашишди.
Таъкидлаш жоиз, миллий спорт туримиз бўлган белбоғли кураш 2024 йили Бутунжаҳон этноспорт таркибига киритилган ва ЖБКА президенти Азизбек Ғаниев Бутунжаҳон этноспорт конфедерациясининг расмий кенгаш аъзоси ҳисобланади.
Тавсия этамиз
Кўп ўқилганлар
- Миллий сертификат имтиҳони натижалари 21 иш куни ичида эълон қилинади — Билимни баҳолаш агентлиги
- Яна бир бозор аукционга қўйилди
- Ички ишлар вазири Бухоро вилояти ИИБнинг 10 га яқин раҳбарини ишдан бўшатди
- Ўзбекистон паспорти халқаро индексда паст натижа қайд этди
- Янги ҳафта аввалида қандай об-ҳаво кузатилиши маълум қилинди
- “Қутадғу билиг” достони қўлёзмасининг факсимиле нусхаси яратилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг