Зеленский Германияга ташриф буюрди
Германия канцлери Фридрих Мерц Берлинда Украина президенти Владимир Зеленский билан учрашди. Ташриф доирасида Киевни қўллаб-қувватлаш масалалари ва Россия билан сулҳ тузиш имкониятлари муҳокама қилинмоқда. Зеленский шунингдек Германия президенти Франк–Вальтер Штайнмайер билан ҳам учрашиши режалаштирилган.
Берлинга келган Украина делегацияси таркибида президент идораси раҳбари Андрей Ермак, ташқи ишлар вазири Андрей Сибига ва мудофаа вазири Рустем Умеров ҳам бор. Владимир Зеленский сўнгги бор Берлинга 2024 йил октябрда расмий ташриф билан келган ва ўшандаги канцлер Олаф Шольц билан учрашган эди.
Фридрих Мерц эса май ойи бошида канцлер лавозимига киришгач, дарҳол Киевга ташриф буюрган.
Мерц аввалроқ Украинага қўйилган қурол-яроғ чекловларини олиб ташлаш зарурлигини таъкидлаганди. Шунингдек, Германия Украинага “Таурус“ ракеталарини етказиб беришни режалаштирмоқда, аммо бу қачон амалга ошиши ҳозирча аниқ эмас.
Тавсия этамиз
Кўп ўқилганлар
- Шавкат Мирзиёев 30 июнь – Ёшлар куни муносабати билан ўтказилган учрашувда нутқ сўзлади
- Нодавлат олий таълим муассасалари устав фондини камида 2 миллион АҚШ доллари эквивалентида шакллантирилиши шарт – Вазирлар Маҳкамаси қарори
- «Жасорат мактаблари»га ўқувчиларни қабул қилиш тартиби белгиланди
- Етакчилар «Иморат» тарихий-меъморий мажмуасига борди
- Хива шаҳрида Биринчи Ўзбекистон-Озарбайжон парламентлараро форуми муваффақиятли якунланди
- «Ливерпуль» юлдузи Диого Жота автоҳалокатда вафот этди. У яқиндагина оила қурганди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг