Даъвогар давосини қайтиб олгани учун Юлдуз Усмонованинг иши судда кўрилмади

16:03 29 Июль 2021 Маданият
7317 0

Аввалроқ, Усмонова Юлдузнинг суд иши қолдирилгани ҳақида хабар берган эдик.

Тошкент шаҳар судларининг маълум қилишича,  23 июль куни Олий суднинг ВКА режими орқали республика миқёсида судьялар фаолиятининг 2021 йил 1-ярим йиллик якуни бўйича йиғилиши ўтказилган.

Шунга кўра, даъвогар Тажимуратов Даулетмуратнинг жавобгар Усмонова Юлдузга нисбатан шаън-қадр қимматга етказилган зарарни қоплаш тўғрисидаги даъво аризаси бўйича 2021 йил 23 июль соат 15:00 га тайинланган ВКА режимида кўрилиши режалаштирилган иш бошқа кунга қолдирилган.

Суд мажлисининг муҳокамаси бугун – 29 июль соат 15:00 га ВКА режимида ФИБ Нукус туманлараро суди иштирокида кўрилиши тайинланган бўлиб, тарафларга телефонограмма орқали хабар берилган.

2021 йил 29 июль кунига тайинланган суд мажлиси даъвогар Тажимуратов Даулетмуратнинг ишни кўрмасдан қолдириш ҳақидаги аризаси судга келиб тушганлиги сабабли унинг жавобгар Усмонова Юлдузга нисбатан шаън-қадр қимматга етказилган зарарни қоплаш тўғрисидаги аризаси Ўзбекистон Республикаси Фуқаролик процессуал кодексининг 122-моддаси 9-бандига асосан кўрмасдан қолдирилди ва бу ҳақда суднинг шу кундаги ажрими эълон қилинди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?