Ёшлар маркази иш бошлади
Фарғона шаҳрида замонавий мезонлар асосида қуриб битказилган Ёшлар маркази фойдаланишга топширилди.
Айтиш жоиз, Фарғона шаҳар ёшларининг саъй-ҳаракати, фаоллиги ва ҳамжиҳатлиги туфайли эзгу мақсад ижобати йўлида “Ташаббусли бюджет”да икки маротаба ғолиблик қўлга киритилди. Натижада 2 миллиард 600 миллион сўм маблағ ҳисобига ушбу марказ бунёд этилди.
— Бу масканда IT, хорижий тиллар, робототехника каби 8 та йўналиш бўйича машғулотлар олиб борилади, — дейди Ёшлар ишлари агентлиги Фарғона шаҳар бўлими бошлиғи Аҳаджон Акрамов. — Шунингдек, янги авлод вакилларининг бўш вақтини мазмунли ўтказиш мақсадида шахмат тўгараги, фитнес клуб, киберспорт ва кинозал фаолияти йўлга қўйилди.
Умуман олганда, марказда бир кунда 600 нафардан зиёд ёшлар маънан ва жисмонан етуклик машғулотларида қатнашиши учун барча шароитлар муҳайё этилган.
Ботир МАДИЁРОВ
«Халқ сўзи»
Тавсия этамиз
Кўп ўқилганлар
- Жаҳон олимлари нигоҳи яна Ўзбекистонга қаратилди
- Президент Ўзбекистон ўқитувчи ва мураббийларига табрик йўллади
- Ўзбекистонда доллар курси ўзгарди
- Ўзбекистонда долларнинг расмий курси ўзгарди
- Президент Исмоил Жўрабеков вафоти муносабати билан ҳамдардлик билдирди
- Ўзбекистон ва Туркманистон: барқарор ривожланиш йўлидан бораётган давлатлар
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг