Хитой ҳукумати никоҳдан ўтиш тартибини соддалаштирди
Фото: FOTODOM
Хитой ҳукумати мамлакатда янги оилаларнинг сонини кўпайтириш мақсадида никоҳ тартибини соддалаштирди. Бу ҳақда «Синхуа» ахборот агентлиги хабар берди.
Янги қоидаларга кўра, рўйхатдан ўтиш учун ҳужжатларни топшириш осонроқ бўлди. Яъни эндиликда бунинг учун шахсни тасдиқловчи ҳужжат, уч авлодда мавжуд никоҳлар ва яқин қариндошлар йўқлиги тўғрисидаги аризани тақдим этиш кифоя бўлади. Уй хўжалигини рўйхатга олиш китобидан маълумотномаларни тақдим этиш талаблар рўйхатидан олиб ташланди.
Бундан ташқари, расмийлар никоҳни фақат доимий яшаш жойида тузишга рухсат берувчи талабни ҳам бекор қилди. Таъкидланишича, бу янги турмуш қурувчилар учун харажатларини камайтиради.
Рўйхатга олиш тартибини соддалаштириш тўғрисидаги қарор сўнгги йилларда мамлакатда никоҳ қуриш даражаси пасайган бир пайтда қабул қилинди.
Аввалроқ, Хитой Миллий соғлиқни сақлаш комиссияси мамлакатдаги семиришга қарши курашиш учун курорт ва меҳмонхоналарга тарозилар ўрнатишга чақирган эди.
Тавсия этамиз
Кўп ўқилганлар
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Самарқанд яна бир нуфузли форумга мезбонлик қилади
- Марказий банк шошилинч огоҳлантириш билан чиқди
- «Leapmotor» Ўзбекистонда ўтказилган автомобиль тести натижаларидан норозилигини билдирди
- Яна бир бозор аукционга қўйилди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг