Фото: Юнус Бўриев / “Халқ сўзи”

Uzbekistan Airways авиакомпанияси Ислом Каримов номидаги “Тошкент” халқаро аеропортида биринчи LET L-410 ҳаво кемасини кутиб олди. Янги турдаги самолёт анъанавий равишда сув аркаси билан кутиб олинди.

Uzbekistan Airways ўзининг трансформацияси жараёнида нафақат хорижда, балки мамлакат ичида ҳам парвозлар географиясини кенгайтиришни давом эттирмоқда. Ўзбекистондаги энг йирик авиаташувчининг маркетинг стратегиясида республика ичидаги йўналишлар бўйича қатновларни амалга ошириш белгиланган. Ўнлаб йиллар олдин ҳаво қатнови тўхтатилган йўналишларни қайта кўриб чиқиш жуда муҳим. LET Aircraft Industries Чехия ишлаб чиқарувчисининг иккита самолётининг бири, ушбу мақсадларни амалга ошириш учун келган L-410 танланган авиакомпания стратегиясининг мантиқий давоми бўлади.

ЛЕТ Л-410 самолёти ишлаб чиқариш заводида қабул қилиниб, парвоз хусусиятларини текширилганидан сўнг Куновитса шаҳридан Тошкентга йўл олди. Самолёт Болгария, Туркия, Арманистон, Озарбайжон ва Туркманистонда ёнилғи қуйиш учун оралиқ қўниш билан ўз манзилига муваффақиятли етиб келди.

Ўзбекистонда авиация соҳаси ривожланиб бормоқда. Президентимиз томонидан республика ичидаги қатновларни кўпайтириш бўйича аниқ вазифалар қўйилди. Ўтган йилнинг биринчи ярмида авиакомпания томонидан фақат республика ичидаги йўналишларда 3 077 та рейсни, 2023-йилнинг шу даврида эса 3 200 дан ортиқ рейсларни амалга оширилди, бу эса мамлакатда ички туризмнинг ривожланиб бораётганини кўрсатади.

L-410 ишончлилиги, хавфсизлиги ва экстремал иқлим шароитида фойдаланишга ихтисослашганлиги билан ажралиб туради. Ушбу турдаги самолётлар Африка, Жануби-Шарқий Осиё, Жанубий Америка ва Европа қитъаларида, дунёнинг 60 дан ортиқ мамлакатларида эксплуатация қилинмоқда. Самолёт кўп мақсадли ва бир нечта вариантларда ишлаб чиқарилади. Л-410 – бу йўловчи ва юкларни қисқа масофаларга ташиш учун идеал техник ва энг яхши иқтисодий ечим. Ушбу турдаги ҳаво кемалари қисқа учиш-қўниш йўлакларига, шу жумладан турқопли ерга қўниши мумкин. Икки двигателли қисқа масофали самолёт эксплуатацияси ва унга техник хизмат кўрсатиш кам харажатларни талаб этади. 

Самолёт ҳақида маълумот:

L-410 UVP-E20 – қисқартирилган учиш-қўниш йўлагидан учиш ва қўниш учун мўлжалланган икки двигателли қисқа масофали транспорт самолёти. Экстремал об-ҳаво шароитида (-50 °C дан +50 °C гача) эксплуатация қилиш учун мўлжалланган. 19 та йўловчи ўриндиқлари ва мослашувчан конфигурацияга эга бўлиб, унда юк бўлинмасини жиҳозлаш мумкин.

Максимал крейсер тезлиги соатига – 405 км.

Максимал парвоз масофаси – 1 500 км.

Максимал парвоз давомийлиги – 5 соат 10 дақиқа.

Максимал парвоз эксплуатация баландлиги – 4 200 м.

Учиш учун керак бўладиган масофа – 510 м.

Қўниш учун керак бўладиган масофа – 500 м.

Бортдаги электрон ускуналар Garmin GPS замонавий коммуникация ва навигация тизимлари, хавфли яқинлашишни олдини олиш учун такомиллаштирилган тизим билан жиҳозланган.

Фото: Юнус Бўриев / “Халқ сўзи”