Исроил молия вазири Ғазодаги одамларни очликдан ўлдириш «адолатли ва ахлоқий» иш эканлигини билдирди

Исроил молия вазири Безалел Смотрич Ғазо ҳақидаги сўнгги изоҳлари учун халқаро танқидга учради. Смотрич ҲАМАС томонидан гаровга олинганларни озод қилиш учун Ғазодаги одамларни очликдан ўлдириш «адолатли ва ахлоқий» бўлишини билдирган.

Исроил расмийсининг сўзлари Европа Иттифоқи, Франция ва Буюк Британиянинг норозилигига сабаб бўлди ва улар Исроил ҳукуматини Молия вазирининг баёнотлари бўйича тушунтириш беришини сўраб чиққан. Смотрич ўз нутқида Исроил Ғазога инсонпарварлик ёрдамини ўтказиши халқаро босим туфайли бўлганини даъво қилди.

«Дунёда ҳеч ким бизга икки миллион одамни очликдан ўлдиришга йўл қўймайди, гарчи бу гаровга олинганларни озод қилиш учун адолатли ва ахлоқий бўлса ҳам», деган у.

Франция ҳам Смотричнинг сўзларини танқид қилиб, Ғазога инсонпарварлик ёрдамини етказиш «халқаро гуманитар ҳуқуқ доирасидаги мажбурият» эканини таъкидлади. Буюк Британия ташқи ишлар вазири Девид Лемми бу фикрни қўллаб-қувватлаб, Исроил ҳукуматини вазирнинг сўзларини «қайтариб олиш ва қоралашга» чақирди. Халқаро ҳамжамият бу каби баёнотларнинг оқибатларидан чуқур хавотир билдирмоқда.

Исроил томони Молия вазирининг фикрларига изоҳ беришни истамаган. Ҳозирда жараёнлар таранглашмоқда ва ҳеч қандай яхшиланиш юзага келмаган.

Путин Украинанинг ҳужумини провокацияда айбламоқда

Москва жануби-ғарбий Курск вилоятида йирик трансчегаравий ҳужумга қарши курашаётганини айтганидан кейин Россия президенти Владимир Путин Украинани катта провокацияда айблади. Айнан жануби-ғарбий минтақада фавқулодда ҳолат эълон қилинган.

Соғлиқни сақлаш вазирлиги чоршанба куни 31 тинч фуқаро, жумладан, олти бола яраланганини маълум қилди. Вилоят губернаторининг айтишича, бир кун аввал Украина қўшинлари танклар ва бронетехника қўллаб-қувватлаган ҳолда чегарани бузиб кириши оқибатида беш киши ҳалок бўлган.

«Киев режими яна бир йирик провокацияни бошлади», деган Путин Украина шимолидаги Суми вилояти билан чегарадош Курск вилоятидаги ҳужумга ишора қилиб.

Украина ҳужум ҳақида тўғридан-тўғри изоҳ бермади. Россия Мудофаа вазирлиги Украина кучлари Москвадан 530 км жануби-ғарбда жойлашган чегарадаги Суджа шаҳарчасининг шимоли-ғарбига силжиётганини айтди. Россия ҳужумни қайтариш учун ҳаво ва артиллерия ўқ отиш кучидан фойдаланганини маълум қилган, бундан олдин минтақага қўшимча кучлар юборилгани маълум.

Россия матбуоти тарқатган хабарларида 5 мингга яқин аҳоли истиқомат қиладиган шаҳарнинг ёнаётгани ва эвакуация қилинмаган аҳоли эса черковлардан бошпана топгани айтилган. Бироқ, етказилган зарар миқдори номаълумлигича қолмоқда.

Вашингтонда жойлашган Урушни ўрганиш институти 7 август куни ўзининг янгиланган маълумотларига кўра, геолокацион тасвирлар Украина Россия ичида 10 км узоққа илгарилаб кетган бўлиши мумкинлигини кўрсатмоқда.

Путин билан учрашувда Россия Бош штаб бошлиғи Валерий Герасимов Россия кучлари 1000 га яқин украиналик аскарнинг ҳужумини тўхтатганини айтган.

Украина Бош штаби Суми вилоятида жанглар авж олгани, расмийлар 6 мингга яқин одамни эвакуация қилганини таъкидлаган. Шунингдек, улар ҳудудга яқин жойда самолёт, вертолёт ва оғир қуролларни жойлаштиргани аммо олдинга силжишга эриш олмай катта йўқотишларга учраганини маълум қилди.

АҚШ Миллий хавфсизлик кенгаши матбуот котиби Жон Кирби Қўшма Штатлар Украинага берган қуроллардан фақат чегаранинг нариги томонидаги таҳдидларни нишонга олиш мумкинлиги бўйича сиёсатини ўзгартирмаганини эслатиб қўйди.

Суджа атрофидаги жанглар 14 июндан бери Россия Украина қўшинларидан 420 квадрат километр ҳудудни тортиб олганини даъво қилиши билан содир бўлган эди.

Исроилнинг ер ости касалхонаси ҳужумга тайёрланмоқда

Исроилнинг шимолидаги Ҳайфа шаҳрида улкан ерости шифохонаси мавжуд. У бетон деворлар билан қопланган бўлиб, операция хоналари, туғруқ бўлими, тиббиёт анжомлари билан таъминланган. Ҳозирча у ерда беморлар йўқ, касалхона кутилажак жанглар олдидан тайёр ҳолга келтирилмоқда. Ушбу жой 2006 йилги Исроил-«Ҳизбуллоҳ» урушидан кейин қурилган.

Муассаса 2 мингдан ортиқ ўринга эга. Исроилга катта ҳужум содир бўлган тақдирда, беморларни қабул қилади. Минтақада кескинлик таранглашган бир пайтда шифокорлар ҳам жанглар тезроқ тугашидан умидвор. Ҳайфа шари Ливанга яқинлиги ва «Ҳизбуллоҳ»нинг ракеталари одамларни хавотирга солади.

Ушбу ҳудудда яшовчилар фавқулодда вазиятларда машқлар ўтказишга ўрганиб қолган, ҳатто мактаб ўқувчилари ҳам ҳужум содир бўлганда нима қилиш кераклигини яхши билишади.

«Бу соатли бомбага ўхшайди. Хоҳлаган вақтда бу сигнал чалиниши бўлиши мумкин. Мен ўламанми тирик қоламанми. Оиламни кўришга имконим бўладими бўлмайдими билмайман», дея ўз ҳолатини тасвирлаган шу ерлик аҳоли.

Саксондан ошган Шаҳар мери уйқусиз тунлари ҳақида гапирар экан, ўз бўйнида катта масъулият турганлигини англайди. Ёна Яҳав 2006 йилги уруш пайтида ҳам шаҳарни бошқарган.

«Мен жуда афсусдаман. Раҳбарлар қуриш ўрнига вайронагарчилик, ўлдириш, жанг билан шуғулланади», деган шаҳар мери. Ҳайфа «аралаш шаҳар» деб аталиб, исроиллик арабларнинг катта қисми исроиллик яҳудийлар билан бирга яшайдиган жойдир. Яҳавнинг айтишича, бу тинч жамият аммо ҳозирги можаро вазиятни янада оғриқли қилади.

Тейлор Свифт концерти теракт сабаб қолдирилди

ИШИД террорчилари сифатида талқин қилинаётган шахсларнинг таҳдидлари сабабли Тейлор Свифтнинг концерти қолдирилди.

Қайд этилишича, Австрия ҳукумати терактнинг олдини олиш мақсадида икки шахсни ҳибсга олди. Режалаштирилган ҳужум Свифтнинг яқинлашиб келаётган шоуларида хавфсизлик чораларининг кучайтирилишига олиб келган.

Тейлор Свифт Венада пайшанба, жума ва шанба кунларига режалаштирилган концертини кечиктиришга мажбур бўлган.

Австрия жамоат хавфсизлиги директори Франс Руф 19 ёшли гумонланувчининг концертларда теракт уюштиришга бўлган ҳаракатлари фош қилинганини билдирган. Расмийлар гумонланувчининг турар жойида портловчи кимёвий моддаларни топган ва ҳозирда текшириш ишлари давом этмоқда.

Разведка ташкилотлари Франс Руфнинг ИШИДга аъзо эканлиги ва интернетда радикал фикрларни илгари суриб келгани аниқланган. Ҳибсга олишда Австриянинг «Кобра» махсус гуруҳи ёрдам берган. Расмийлар гумонланувчининг потенциал ҳужумга «тайёргарлик ҳаракатлари» ҳақида махсус разведка ташкилотлари орқали хабар топган.