АҚШ вице-президенти Камала Ҳаррис ва Оқ уйнинг собиқ раҳбари Доналд Трамп президентлик сайлови олдидан музокара ўтказишди. Таҳлилчилар уларнинг нутқига эътибор қаратар экан, хусусан, Ғазодаги уруш якуни бўйича муҳим мунозараларни кузатмаган. Можарони тугатиш, тинчлик ўрнатиш ҳақида амалда ҳеч нарса гапирилмаган. Экспертлар фикрича, икки номзоднинг ҳам Исроил—Фаластин низосига нисбатан қарашлари йўқ. Бу ғазоликларга катта умидсизлик олиб келиши мумкин.

«Ҳаррис тинчлик жараёнига янги энергия бериб, уни тирилтириши мумкин эди, лекин у бундай қилмади», — деган улар.

Шунингдек, мунозара давомида Ҳаррис АҚШ бошчилигидаги тўхтаб қолган сулҳга эътибор қаратган. Лекин у Исроилнинг Ғазодаги хунрезликлари ҳақида гапиришдан қочган. Трампнинг айтишича, агар Ҳаррис президент бўлса, Исроил 2 йилдан кейин йўқ бўлиб кетиши мумкин. Собиқ президент Ҳарриснинг Исроилдан нафратланиши таъкидлаган вице-президент эса буни рад этиб, яҳудий давлатининг умрбод қўлловчиси эканлигини маълум қилди.

«Исроил ўзини ҳимоя қилиш ҳуқуқига эга. Тўғри, кўп бегуноҳ фаластинлик она ва болалар ўлдирилган. Биз биламизки, бу уруш тугаши керак. Эрон ва унинг ишончли вакилларининг Исроилга таҳдиди туфайли мен ҳар доим Исроил ўзини ҳимоя қилиш тарафдориман», — деган.

Шунингдек, Трамп президент бўлганида Ғазодаги уруш бўлмаслигини даъво қилган.