Тошкент вилояти ҳокимлиги фаолиятида 111та коррупцион хатар аниқланган

13:01 15 Апрель 2021 Жамият
823 0

Бу ҳақда бугун АОКАда Коррупцияга қарши курашиш агентлиги мутасаддилари иштирокида ўтказилган матбуот анжуманида маълум қилинди.

Қайд этилишича, Олий ва ўрта махсус таълим вазирлиги, Уй-жой коммунал хизмат кўрсатиш вазирлиги, Марказий банк ҳамда Молия вазирлигида «йўл хариталари» ижроси юзасидан олиб борилаётган ишлар қониқарсиз ташкил этилгани аниқланган.

Тошкент шаҳар ва Тошкент вилояти ҳокимликларида коррупцияга қарши «комплаенс назорат» тизими жорий этилмаган.

Тошкент вилояти ҳокимлиги фаолиятида 111 та коррупцион хатар аниқланган, шундан 96 таси (86 фоиз) юқори, 14 таси (13 фоиз) ўрта ва 1 таси паст даражадаги коррупцион хатар. Жумладан, қурилиш соҳасида давлат буюртмасини танлов асосида жойлаштириш ва унинг бажарилишини назорат қилиш функцияси, ҳудудий дастурларни ишлаб чиқиш ва амалга ошириш, ерларни танлаш, ажратиш ва хусусийлаштириш, инвестиция лойиҳаларини мувофиқлаштириш ва мажбуриятларни бажарилишини назорат қилиш, давлат мулкини хусусийлаштириш, экспорт дастурларини ишлаб чиқиш ва амалга ошириш ҳамда кадрлар захирасини шакллантириш, кадрларни танлаш ва ишга жойлаштириш.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?