Термизда ноқонуний тарзда қуён овлаган шахсга чора кўрилди
Фото: Экология ва иқлим ўзгариши миллий қўмитаси
Сурхондарё вилояти Термиз туманида қуёнларни ноқонуний овлаган шахсга чора кўрилди. Бу ҳақда Экология ва иқлим ўзгариши миллий қўмитаси хабар берди.
Маълум қилинишича, Сурхондарё вилояти Экология ва иқлим ўзгариши бош бошқармаси ҳамда вилоят Миллий гвардия бошқармаси ҳамкорлигида навбатдаги рейд тадбири ўтказилган. Рейд давомида тумандаги Учкўл кўллари ҳудудида Тошкент шаҳрида яшовчи фуқаро томонидан 13 бош ёввойи қуён ноқонуний овлангани аниқланган.
Маълум бўлишича, фуқаро овни тақиқланган усулда — тунда ёритувчи мосламадан фойдаланган ҳолда амалга оширган. Ҳисоб-китобларга кўра, ноқонуний ов натижасида табиатга 5 миллион 356 минг сўм миқдорида зарар етказилган.
Ҳуқуқбузарга нисбатан Маъмурий жавобгарлик тўғрисидаги кодекснинг тегишли моддаси билан чора кўрилган. Шунингдек, ов жараёнида фойдаланилган, ҳуқуқбузарга тегишли бўлган 3 дона ов милтиғи ашёвий далил сифатида олиб қўйилиб, вилоят ИИБга топширилди.
Тавсия этамиз
Кўп ўқилганлар
- Алишер Навоий – илм ва маъно эҳтиёжи манбаи
- Инвесторлар учун энг жозибадор ҳудуд ёхуд инвeстиция оқимидаги кескин тафовутнинг сабаб ва оқибатлари
- Ўзбекистонда инсон аъзоларини 3D биопринтерда чоп этиш имконияти яратилмоқда
- Бедилни халққа танитган хаттот
- Илм-фан соҳасида хотин-қизларга яратилган имкониятларга бағишланган анжуман
- Ўзликни англаш сари муҳим қадам: «Миллий қадриятлар атласи» китоб-альбоми тақдимот қилинди (+видео)
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг