2023 йил 24 октябрь куни Таиланд Амалий санъат департаменти делегацияси Тошкентга етиб келди. Меҳмонлар И.Каримов номидаги Тошкент халқаро аэропортида Маданий мерос агентлиги раҳбарияти томонидан кутиб олинди.

Халқаро ҳамкорлар Ўзбекистон давлат тарих музейида мамлакатимиз тарихига оид бўлган экспонатлар билан танишишди. 

Делегация аъзолари ташриф давомида Тошкент, Фарғона, Термиз, Шаҳрисабз, Самарқанд шаҳарларида бўлиб, тарихий ва давлат музейлари ҳамда муқаддас қадамжоларда бўлишади. 7 кунлик сафар чоғида меҳмонлар вилоятларда жойлашган қадим тарихдан сўз очувчи масканларга ташриф буюришади. 

5 шаҳар бўйлаб сафарда делегация аъзоларига вилоят ҳокимлиги ҳамда Маданий мерос агентлиги ходимлари ҳамроҳлик қилишади. Меҳмонларнинг илк ташрифи Фарғона вилоятидан бошланди. Кун давомида шаҳарда жойлашган кулолчилик ва тарихий обидалар жойлашган масканларга ташриф буюришади.

Делегация аъзоларининг ташрифи давом этмоқда.