Иллюстратив фото

Қарши туманида яшовчи Адҳам Умаров топган даромадига “Cobalt” автомашинасининг 2-позициясини сотиб олмоқчи бўлди. Албатта, қонуний йўл билан. Шу боис “Лион Маторс” масъулияти чекланган жамияти билан ўтган йилнинг 7 сентябрида шартнома имзолади. Жамият ижрочилари ҳужжатга асосан истеъмолчига автомашина нархининг 85 фоизини олдиндан тўлаши муҳим шартлардан эканлигини айлана стол атрофида ҳижжалаб тушунтирдилар. Шундан сўнг МЧЖ га А.Умаров автомашина учун бериладиган 84 миллион 169 минг 910 сўм маблағнинг 71 миллион 500 минг сўмини гап-сўззсиз тўлади. Оиласи ҳамда яқинларига 30 ноябрь куни янги автомашиналик бўлишини овоза қилди. Чунки ишонч унга куч берди.

Айтилган кун ҳам келди. Адҳамжонни таниш-билишларининг кўпчилиги эрталабдан янги машина олганлиги билан қутлаб, қайси чойхонада “ювилишини” ҳам сўрай бошладилар. Автомашинани олиб чиқолмаганини айтолмаган дўст, бугун эмас, деб такрорлай бошлади. Чунки автомашинани айтилган кунда ололмади. МЧЖ ходимлари асоссиз турли важларни тахланди. Ушбу ноҳақлик Қарши шаҳар истеъмолчилар ҳуқуқларини ҳимоя қилиш жамияти томонидан ўрганиб чиқилди.

Фуқаро томонидан ўзаро шартнома шартлари тўлиқ бажарилган. Шундай бўлса-да, устаси фаранглар истеъмолчининг иштирокисиз 7 ноябрь куни янги шартнома тузиб, унга кўра атомашинанинг етказиб бериш муддатини 2020 йилнинг 29 февралига белгиланганлар.

Ўрганишлар якунига кўра Ўзбекистон Республикаси “Истеьмолчилар ҳҳуқуқларини ҳимоя тўғрисида”ги Қонунга асосан фуқарога автомашина олиб берилди. 

Х. БЕГМАТОВ,

Қарши шаҳар истеъмолчилар ҳуқуқларини

ҳимоя қилиш жамияти ижро этувчи

аппарати раиси вазифасини бажарувчи.