Ўзбекистон ёшлари бугун ҳар соҳада фаол. Биргина жорий йилнинг ўзида Парижда бўлиб ўтган ёзги Олимпиада ва Паралимпия ўйинларида юртимиз спортчилари бутун дунёга ўз куч ва салоҳиятини кўрсатиб қўйишди.

Бугунги сайлов жараёнлари ҳам Ўзбекистоннинг бугунги тақдири ва келажагини белгиловчи муҳим тадбир ҳисобланади. Унда бокс бўйича Олимпиада чемпиони Асадхўжа Мўйдинхўжаев ҳам иштирок этиб, овоз берди.

“Агар таъбир жоиз бўлса, келажагимиз учун муҳим танловдир. Шу боис эрта тонгда Фарғона давлат университетида ташкил этилган 71-сайлов участкасида овоз бердим. Сайловда талаба ёшларнинг жуда фаол қатнашаётгани мени беҳад мамнун этди.

Сайлов участкаси раиси Муҳаммаджон Мамажоновниннг маълум қилишича, ўтган қисқа вақт ичида рўйхатдан ўтган икки мингдан зиёд сайловчиларнинг ўттиз фоиздан кўпроғи ўз танловини амалга ошириб бўлди. Бу албатта қувонарли ҳолат.

Ишонамизки, муҳим сиёсий жараёнда фарғоналик ёшлар фаоллик кўрсатиб, ўз келажаги учун бефарқ эмаслигини намоён этадилар“, деди у.