Фото: Reuters

«Арсенал» ҳимоячиси Вильям Салибанинг келажаги атрофидаги трансфер миш-мишлари яна кучайди. Франциянинг нуфузли «L’Équipe» нашри хабарига кўра, футболчининг вакиллари бир неча ҳафтадан буён Мадриднинг «Реал» клуби билан музокаралар олиб бормоқда.

Манбалар таъкидлашича, «Реал Мадрид» ҳозирча Салибани қўлга киритиш бўйича энг яхши имкониятга эга бўлган клуб сифатида кўриляпти. Салибанинг ўзи эса трансферга босим ўтказишни истамаяпти.

«Арсенал» ҳам эҳтимолий кетиш ҳолатини ҳисобга олиб, Салибанинг ўрнини босиши мумкин бўлган футболчиларни кўздан кечира бошлаган. Жумладан, португалиялик ёш ҳимоячи – «Спортинг» сафида тўп сураётган Усмон Диомандега қизиқиш билдираётганликлари ҳақида хабарлар тарқалди. Диоманде учун курашга «Челси» ва «Нюкасл» каби бошқа АПЛ клублари ҳам қўшилган.

Айни пайтда «Арсенал» Салибани жамоада сақлаб қолиш тарафдори. Бироқ ҳимоячининг шартномаси ҳали узайтирилмагани, «Реал»нинг жиддий қизиқиш билдираётгани ва трансфер бозори фаоллашган бир паллада клуб бу эҳтимолий кетишга олдиндан тайёр бўлиши лозимлигини англаб етгани айтилади. Салиба атрофидаги воқеалар тез орада Лондон клубининг ёзги трансфер сиёсатига жиддий таъсир кўрсатиши мумкин.