Франция терма жамоаси ва ПСЖ клуби ҳимоячиси, 29 ёшли Лукас Эрнандес ҳамда унинг рафиқаси Виктория Триай одам савдоси ва ноқонуний меҳнатдан фойдаланганликда айбланмоқда. “Paris Match” нашри хабар беришича, даъво Версаль прокуратурасига колумбиялик оила томонидан киритилган.

Шикоятга кўра, жуфтлик икки нафар катта ёшли фарзанди ва аёлнинг онаси билан бирга 2024 йил сентябридан 2025 йил ноябригача Эрнандеслар оиласида қонуний меҳнат шартларисиз, ортиқча иш соатларида ишлашга мажбур бўлган. Уларнинг фаолияти расмий меҳнат шартномалари билан расмийлаштирилмагани таъкидланмоқда.

Манбанинг қайд этишича, гувоҳликларда колумбиялик аёл ўзларига нисбатан муносабатни кескин танқид қилган. Унинг сўзларига кўра, оила уларга кам ҳақ тўлаган, таҳқирлаган ва муҳожирларга ҳуқуқий мақом берилишини ваъда қилиб, амалда бажармаган.

Даъвогарларнинг адвокати Лола Дюбуа Лукас Эрнандес колумбиялик оилани ижтимоий-иқтисодий жиҳатдан оғир аҳволда сақлаб келганини, айрим ҳолатларда эса бу муносабат замонавий қулликка яқин бўлганини билдирган.

Нашр маълумотларида келтирилишича, Лукас Эрнандес ва унинг рафиқаси қўйилаётган айбловлардан ҳайратда қолган ва ўзларига нисбатан билдирилган даъволарни рад этмоқда.