Ўзбекистон ва Польша чегара хизматлари ўртасидаги ҳамкорликни ривожлантиради
Ўзбекистоннинг Польшадаги элчиси Амирсаид Агзамходжаев Польша чегара хизмати бош коменданти, генерал Роберт Баган билан учрашув ўтказди. Бу ҳақда “Дунё” АА хабар бермоқда.
Мулоқот чоғида икки мамлакат ўртасидаги савдо-иқтисодий алоқаларни мустаҳкамлашда транспорт коридорларининг тўлақонли фаолият юритиши муҳим эканлиги қайд этилди. Томонлар логистик йўлаклар самарадорлигини ошириш ва юк ташиш жараёнларини енгиллаштириш бўйича фикр алмашдилар.
Учрашувда меҳнат миграцияси соҳасидаги ҳамкорликка алоҳида тўхталиб ўтилди. Ўзбекистонлик мутахассисларни Польшага тартибли ва хавфсиз тарзда ишга жалб этиш икки томонлама муносабатларнинг истиқболли йўналишларидан бири сифатида эътироф этилди.
Музокараларнинг муҳим қисми икки давлат чегара хизматлари ўртасидаги бевосита ҳамкорликка бағишланди. Жумладан, Ўзбекистон ДХХ Чегара қўшинлари ва Польша чегара хизмати ўртасидаги алоқаларни ривожлантириш, тажриба алмашиш ва хавфсизликни таъминлаш масалаларида ҳамкорликни фаоллаштиришга келишиб олинди.
Тавсия этамиз
Кўп ўқилганлар
- Нодирбек Абдусатторов Прагадаги шахмат фестивалида чемпионликни қўлга киритди
- Матчанов Умирзак Сеитжановичнинг иқтисодиёт фанлари бўйича фалсафа доктори (PhD) диссертация ҳимояси эълони
- Эндиликда йўловчи божхона декларациясини мобил илова орқали электрон шаклда топшириш мумкин
- Яқин Шарқдаги кескинликнинг нархи: АҚШ, Исроил ҳамда Эрон уруш учун қанча сарфлаяпти?
- Эроннинг ҳужум салоҳияти 50 фоизга қисқарди – АҚШ сенатори
- “Барселона” қийин ғалабани қўлга киритди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг