Архив сурат

Германия Ўзбекистон билан афғонларнинг депортациясига кўмаклашиш учун миграция келишувини кўриб чиқмоқда. Режа Германиядан бошпана олиш ҳуқуқига эга бўлмаган афғон қочқинлари муаммосини ҳал қилишга қаратилган. Бу ҳақда «Bloomberg» нашри хабар бермоқда.

Ўзбекистон билан музокараларга Германия ички ишлар вазири Нэнси Фазер бошчилик қилмоқда. Шартнома Германияга айрим афғон қочқинларини тўғридан-тўғри Афғонистонга депортация қилиш ўрнига Ўзбекистонга юбориш имконини беради. Бу ҳаракат афғон қочқинлари оқимидан келиб чиқадиган муаммоларни ҳал қилиш йўли сифатида кўриляпти.

Германиянинг ойига минг нафар хавф остидаги афғонларни қабул қилиш бўйича янги дастури амалда қолмоқда. Шунга қарамасдан, афғон қочқинларининг ҳаммаси ҳам ушбу дастурга мос келавермайди, бу эса муқобил ечимларга эҳтиёж туғдиради. Ўзбекистон билан таклиф этилаётган шартнома ҳам ана шу кенг кўламли саъй-ҳаракатларнинг бир қисми.

Берлин қочқинлар дастурини амалга ошириш учун кўплаб ҳамкорлар билан музокаралар олиб бормоқда. Германия 2021 йил августида «Толибон» ҳаракати Афғонистонни эгаллаб олганидан бери афғонларга бошпана беришда фаол иштирок этиб келмоқда.