Москвадан Индонезияга учган самолёт Тошкентга фавқулодда қўндирилди
Москвадан Индонезияга учган самолёт Тошкент шаҳрига мажбурий қўнишни амалга оширди. Бу ҳақда «Аэрофлот» авиакомпанияси хабар берди.
Қайд этилишича, «Аэрофлот» авиакомпаниясининг Москва-Денпасар (Индонезия) йўналишида учаётган самолёт йўловчилардан бирининг аҳволи тўсатдан ёмонлашгани сабабли Тошкент халқаро аэропортига фавқулодда қўндирилган.
«Самолёт командири йўловчининг соғлиғи кескин ёмонлашгани сабабли Тошкент аэропортига қўниш тўғрисида қарор қабул қилган», деб ёзади авиакомпания матбуот хизмати.
Қўнишдан сўнг бемор йўловчи шифокорларга топширилган. Шунингдек, самолёт кўп миқдорда ёқилғи билан фавқулодда қўнгани сабабли унга техник кўрик зарур бўлган. Ушбу кечикишни бартараф этиш мақсадида Москвадан захира самолёт юборилган.
Тошкентдан Денпасарга парвоз бугун, 16 апрель куни соат 10:00 да (Тошкент вақти билан) амалга оширилиши режалаштирилган. Бу вақт оралиғида эса йўловчилар меҳмонхонага жойлаштирилган ва озиқ-овқат ҳамда ичимликлар билан таъминланган.
Тавсия этамиз
Кўп ўқилганлар
- Эҳтиёжманд оилаларга электр ва газ бўйича компенсация берилади
- Танзила Нарбаева Парламентлараро иттифоқнинг 150-юбилей ассамблеяси Президенти этиб сайланди
- Тошкентда Парламент аёл аъзолари форумининг 39-сессияси бўлиб ўтди
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Айрим оилаларга бир марталик моддий ёрдам берилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг