Машҳур промоутер Турки Ал аш-Шейх бошчилигидаги ташкилотчилар 2025 йилнинг 22 февраль кунига белгиланган яна бир катта бокс оқшомини расман эълон қилишди. Марказий жанг реванш мақомидаги бўлиб, Артур Бетербиев ва Дмитрий Бивол ўртасида ташкил этилади.

Эътиборлиси шундаки, ўзбекистонлик чарм қўлқоп устаси Исроил Мадримов ушбу юлдузли бокс оқшомида ўзининг яна бир катта жангини ўтказиши кутилмоқда. Ҳамюртимиз америкалик машҳур боксчи, биринчи ўрта вазн тоифасида вақтинчалик WBC чемпиони Вержил Ортисга қарши рингга кўтарилади.

26 ёшли Вержил Ортис шу вақтга қадар профбоксда 22 марта рингга кўтарилиб, барча жангда ғалаба қозонган. У жангларининг 21 тасида рақибларини нокаутга учратган. Ортиc ўзининг охирги жангини шу йилнинг август ойида украиналик Сергей Богачукка қарши ўтказиб ғалабага эришган эди.

29 ёшли Исроил Мадримов эса профбоксда 10-1-1 рекордига эга. Мадримов ўзининг охирги жангида америкалик Теренс Кроуфордга қарши ўтказган ва очколар эвазига мағлубиятга учраган эди.

Эслатиб ўтамиз, Исроил Мадримов Вержил Ортисга қарши чемпионлик жангидан олдин шу йилнинг 21 декабрь куни украиналик Сергей Богачукка қарши жанг қилади. Ушбу жанг оғир вазндаги суперюлдузлар Тайсон Фюри ва Александр Усик жанги доирасида бўлиб ўтиши мўлжалланган.