Енгиллик билганингни қил дегани эмас...

18:31 03 Июль 2018 Жамият
5060 0
Фото: Тошкент шаҳар божхона бошқармаси Ахборот хизмати

Маълумки, Божхона кодексининг 145-моддасига асосан, тижорат мақсадларида фойдаланиладиган транспорт воситасини божхона тўловлари тўлашдан шартли озод этилган ҳолда божхона ҳудудига бир қатор шартларга риоя этилган ҳолларда вақтинча олиб киришга йўл қўйилади.

Тошкент шаҳар божхона бошқармаси Контрабанда ва божхона қонунчилиги бузилишига қарши курашиш бўлими ходимлари томонидан ушбу модданинг талабларига зид равишда, тижорат мақсадларида фойдаланиш учун олиб кирилиб, республикамиз ҳудудидан қайта олиб чиқиб кетилмасдан ёки тегишли божхона режимига расмийлаштирилмасдан контейнерларни майда қисмларга бўлиш, парчалаш орқали ушбу контейнерлардан фойдаланиб келаётган бир гуруҳ шахсларни фош қилиш бўйича тезкор тадбир ўтказилди.

Тошкент шаҳар божхона бошқармаси Ахборот хизмати хабарига кўра, ўтказилган тезкор тадбирлар натижасида, пойтахтимизнинг Яшнобод туманида жойлашган “1-Автобус Саройи” масъулияти чекланган жамиятнинг орқа томонидаги баннерлар ўралган ҳудуд амалдаги тартибларга кўра кўздан кечирилганда 11 дона бут ҳолатдаги бўш контейнер ҳамда бўлакларга бўлинган контейнерлар қисмлари борлиги аниқланди.

Ушбу ҳудудда фаолиятини амалга ошираётган фуқаро томонидан шу кунга қадар йўқ қилинган 40 дона ҳамда йўқ қилиш учун мўлжалланган 11 дона бутун контейнернинг тахминий қиймати эса 62,2 млн. сўмни ташкил этди. Агарда мазкур контейнерлар белгиланган тартибда божхона расмийлаштирувидан ўтказилганида тахминан 170,4 млн. сўм божхона тўловлари ундирилган бўлар эди.

Ҳозирда ушбу ҳолат юзасидан контейнерларнинг эгасига нисбатан тегишли процессуал ҳужжатлар расмийлаштирилди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер