Китоб замонлар денгизида саёҳат қилаётган ва ўзининг қимматбаҳо юкини авлодлардан-авлодларга ташиётган ҳикмат кемасидир.

Френсис Бекон

Шундай одамларни ахтарингки, улар билан суҳбат қилмоқ яхши китоб ўқимоққа баробар бўлсин. Шундай китобларни ахтарингки, мутолааси файласуфлар суҳбатига тенг бўлсин.

А. Ҳ. Бахманёр

Яхши китобларни бугун ўқинг, ёмон китобларни ўқишга эртага албатта вақт топилади.

Исаак Барроу

Нодонлар-ла ўтириб-турмоқдан китоб билан ёлғиз қолмоқ яхшироқдир. 

Қосимбек Зокир

Китоб қанчадир йиллардан кейин сизга манзур кела бошласа, бу унинг яхши китоб эканидан далолатдир.

Георг Лихтенберг

Китоб йиғиш яхши ишдир, уларни ўқимоқ эса фойдали.

Френческо Петрарка

Китоб ўқимаган одамнинг мурдадан фарқи йўқ.

Томас Жефферсон

Китоблар сизни минглаб аср аввал дунёдан ўтган доҳийлар билан учраштиради.

Рене Декарт

Инсон — қанча ўқисанг ҳам битмайдиган китобдир.

Ҳожи Бактош Вали

Китоб ҳаётнинг энг олис ва қоронғу йўлларига нур бахш этган афсонавий чироқдир.

Андрей Упит

Китоблар овозсиз муаллимлардир.

Петер Гилле

Бир инсоннинг қиймати ўқиган китоблари билан ўлчанади.

Ҳерберт Спенсер

Китобларнинг душманлари ҳам инсонларникига ўхшашдир: олов, сув, вақт ва ичидагилар.

Пол Валери

Китоблар ёқиб юборилган жойда одамлар ҳам ёндирилажак.

Ҳайнрих Ҳайне

Китобларни икки гуруҳга ажратиш мумкин: кун китоби ва барча кунларнинг китоби.

Жон Рускин

Китобларим мен учун бутун умрга етажак улкан қиролликдир.

Шекспир

Мен китобларни эмас, китоблар мени яратди.

Мишел де Монтен

Ақлли қўшнинг йўқ бўлса, китоб билан суҳбат қур.

Озарбойжон халқ мақоли

Китоб руҳият даволовчисидир.

Япон халқ мақоли

Китоб одамларнинг йўлини ёритиб турувчи маёқдир.

Хитой халқ мақоли

Ҳар даврнинг ўз китоби бор.

Араб халқ мақоли

Ҳаёти давомида биргина китоб ўқиган одамлардан қўрқинг.

Лотин халқ мақоли

Яхши китоб яшаш манбаидир.

Олмон халқ мақоли

Таржимон ва тўпловчи: Раҳмат Бобожон