Хитой янги вирус пайдо бўлганини рад этди

16:26 27 Ноябрь 2023 Дунё
220 0

Фото: China Daily

Хитой Соғлиқни сақлаш вазирлиги мамлакатдаги касалликларнинг кўпайишини янги вирус эмас, балки грипп билан боғлади.

Хитойда бошланган касалликларнинг кўпайишига янги вирус эмас, балки грипп ва бошқа маълум касалликлар сабаб бўлмоқда. Бу ҳақда Хитой соғлиқни сақлаш вазирлиги маълум қилди.

“Тегишли клиникалар ва даволаш муассасаларининг очилишини кўпайтириш, хизмат кўрсатиш вақтини узайтириш ва дори-дармон билан таъминлашни кўпайтиришга ҳаракат қилиш керак”, — дея вазирлик вакили Ми Фен сўзларидан иқтибос келтирган нашр.

Шунингдек, у ниқоб режимига риоя қилишни ва одамлар гавжум жойларда, айниқса мактабларда касалликларнинг олдини олишга эътибор қаратишни маслаҳат берди. Хитой учун ушбу тўлқин COVID-19 пандемияси сабаб бўлган чекловлар олиб ташланганидан кейинги биринчи тўлқин ҳисобланади.

Аввалроқ, хитойлик олимлар тропик Хайнан оролида одамлар учун потенциал хавф туғдирувчи саккизта янги вирусни аниқлаган эди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?