Тиббиёт ходимлари қон босимини туширувчи дориларни қабул қилаётган кекса одамларга кўпроқ эътибор бериш лозимлигини тан олишди. Чунки янги тадқиқот ёши улуғ инсонлар бу борада даволанишни бошлаганидан кейин уларда йиқилиш билан боғлиқ синиш эҳтимоли икки баравар ошишини аниқлади.

Тезда тик оёққа турганда бирдан бош айланишидек ёқимсиз ҳолат кўпчилигимизга таниш. Лекин кексаларда бош айланишининг ножўя таъсирининг олди олинмаса, тузатиб бўлмайдиган асоратларга олиб келиши мумкин. Кекса ёшда йиқилиб, масалан сон суягининг синиши ҳолатларининг деярли ярми 12 ой ичида эрта ўлимга олиб келадиган бир қатор саломатлик билан боғлиқ муаммоларни келтириб чиқаради.

30 минг нафарга яқин кексалар иштирокида ўтказилган тадқиқотда олимлар одатий қон босимини туширадиган дори воситалари вақтинчалик паст қон босими хуружи туфайли тўсатдан бош айланишини келтириб чиқариши, бу эса шундоқ ҳам мувозанат билан боғлиқ муаммолари бўлган ёши улуғ инсонларда йиқилиш ва жиддий жароҳатлар олиш хавфини янада оширишини аниқлади.

Бундай дориларни қабул қилишни бошлагандан кейин 30 кун ичида сон, тос, елка, қўл суяги цинган 29 648 нафар кекса беморлардан олинган маълумотларни баҳолаган тадқиқотчилар, қон босимини туширишни бошлашдан кейинги 30 кунлик синиш хавфини потенциал ковариатларга ўзгартиргандан сўнг йилига 100 кишига 5,4 ни ташкил этганини аниқладилар. Дориларни қабул қилмайдиганлар учун хавф икки баравар камайиб, кўрсаткич йилига 2,2 кишига тушди.

Деменция ёки юқори систолик қон босими бўлган одамларда ҳам йиқилиш хавфи юқори, аммо энг яхши натижалар қон босимини туширувчи воситаларни яқин орада қабул қилмаган беморларда кузатилди.

Тадқиқот «Journal of the American Medical Association» журналида чоп этилган.