Исроил Байрутга амалга оширилган ҳужум ўтган ҳафтанинг шанба куни Голан тепаликларига қилинган ҳужум учун жавоб зарбаси эканлигини ва унда «Ҳизбуллоҳ» қўмондони Муҳсин Шукр нишонга олинганини маълум қилди.

«Ҳизбуллоҳ» манбалари Шукр ҳужумдан омон қолганини айтган. Ливан соғлиқни сақлаш вазирлигининг маълум қилишича, ҳужум оқибатида бир аёл ва икки бола ҳалок бўлган, ўнлаб одамлар яраланган.

Аҳоли зич жойлашган маҳалладаги нишонга олинган биноларнинг ярми қулаб тушди ва яқин атрофдаги шифохонага ҳам зарар етган. Вайроналар остида бедарак йўқолганларни қидириш давом этмоқда.

Исроил Байрутга октябрдан бери бир неча бора ҳужум қилди. Сўнгги ҳужумлар эса 2006 йилда Исроил «Ҳизбуллоҳ» ўртасидаги 34 кунлик уруш пайтида содир бўлган.

«Ҳизбуллоҳ» Исроилнинг ҳар қандай ҳужумига жавоб беришга ваъда берган бўлсада, жавоб зарбаси дарҳол бўлмаслиги мумкин.

Оқ уй матбуот котиби Карине Жан-Пьер сешанба кунги ҳужум ҳақидаги саволларга жавоб берар экан, Америка Қўшма Штатлари гуруҳ ва Исроил ўртасида кенг кўламли уруш бўлиши муқаррарлигига ишонмаслигини айтди.

АҚШ президенти Жо Байден дипломатик ечим билан бунинг олдини олишга умид борлигини қўшимча қилган.