Испанияда сув тошқини қурбонлари сони 207 нафарга етди

12:26 02 Ноябрь 2024 Дунё
333 0

Испанияда кучли ёмғир ва сув тошқинлари оқибатида ҳалок бўлганлар сони 207 кишига етди. Бу ҳақда мамлакат ички ишлар вазири Фернандо Гранде-Марласка маълум қилди.

“Сўнгги маълумотларга кўра, қурбонлар сони 207 киши”, деди у. Вазирнинг сўзларига кўра, экспертларнинг баҳосини инобатга олган ҳолда, жабрланганлар сони ўсишда давом этиши мумкин.

Испания ҳукумати жабрланганларга ёрдам бериш учун икки минг аскар юборди.

Аввалроқ, расмийлар ёғингарчилик ва сув тошқинлари қурбонлари хотирасига уч кунлик мотам эълон қилган эди. Табиий офат Валенсия вилоятининг йўл инфратузилмасига катта зарар етказди. Натижада 60 дан ортиқ йўл ёпилди. Вилоятда электр таъминоти босқичма-босқич тикланмоқда.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?