Ислом Махачев америкалик спортчини «ишончсиз» рақиб сифатида танқид қилди
Фото: Sport24
Енгил вазн тоифасида UFC чемпиони Ислом Махачев АҚШлик спортчи Майкл Чандлернинг жанг таклифини рад этди. Бу ҳақда Ислом ўзининг «Х» тармоғидаги саҳифасида маълум қилган.
Рус спортчиси чемпионлик жанги учун унга «ҳақиқий рақиб» кераклигини таъкидлаган. Чандлернинг маълум қилишича, унга октябрь ойида Махачев билан чемпионлик жанги таклиф қилинган, аммо бунинг ўрнига Конор Макгрегор билан жанг қилишни афзал кўрган.
Чандлер «UFC 303»да Макгрегорга қарши жанг қилиши керак эди. Бироқ ирландияликнинг жароҳати туфайли жанг қолдирилганди. Макгрегор 2021 йилда «UFC 264» мусобақасида оёғи синганидан бери жанг ўтказмаган. Чандлерга қарши кутилаётган жавоб жанги эса ҳозирча ноаниқ.
Махачев 2015 йилдаги дебютидан буён UFC'да доминант бўлиб келмоқда. У кетма-кет 14 та жангда ғалаба қозонган. Ислом 2022 йилги «UFC 280» турнирида Чарлз Оливейрани мағлуб этиб, енгил вазн тоифасида UFC чемпионлигини қўлга киритганди.
Аввалроқ, Россия Федерал солиқ хизмати (ФНС) 297 миллион рубль қарзи сабаб собиқ UFC чемпиони Ҳабиб Нурмагомедовнинг ҳисоб рақамларини музлатганди.
Тавсия этамиз
Кўп ўқилганлар
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Яна бир бозор аукционга қўйилди
- Самарқанд яна бир нуфузли форумга мезбонлик қилади
- Ўзбекистон паспорти халқаро индексда паст натижа қайд этди
- Марказий банк шошилинч огоҳлантириш билан чиқди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг