Дунёнинг энг бой одами Илон Маcкнинг Америка ҳукуматида қандай лавозимда ишлаши маълум бўлди, деб хабар бермоқда «NBS News» нашри.

Унга кўра, АҚШ президенти Дональд Трамп «Tesla», «SpaceX» компаниялари раҳбари Илон Маскни Ҳукумат самарадорлиги департаментига раҳбар этиб тайинлаган. Маск ушбу департаментда «махсус ҳукумат ходими» сифатида фаолият олиб боради.

Маълум бўлишича, Маскнинг «SpaceX» компанияси федерал ҳукумат билан шартномаларида миллиардлаб пул ишлаб олган. Бу эса кўплаб сиёсий танқидчиларнинг эътирозларига сабаб бўлмоқда.

«Маскнинг федерал ҳукумат билан даромад қилиши манфаатлар тўқнашувини келтириб чиқаради. У давлат лавозимига киришгач манфаатлар тўқнашуви талаблари ва ахлоқ қоидаларига қатъий риоя қилиши керак», — дейди танқидчилар.

Конгресс тадқиқот хизмати ҳисоботига кўра, махсус давлат ходимлари йил давомида 130 кундан ортиқ ишлашлари мумкин эмас. Шунингдек, Маск ҳам ўз лавозимида ярим кун ишлаш ҳуқуқига эга бўлади.

«Илон Маск бизнинг розилигимизсиз ҳеч нарса қила олмайди. Керак бўлганда унинг таклифларини ўрганиб чиққан ҳолда рухсат берамиз ёки рад қиламиз. У ўз лавозимидаги фаолияти ҳақида доимий ҳисобот бериб туради», — дейди Трамп.