10 октябрь куни Европaнинг турли шаҳарларида 2026 йилги Жаҳон чемпионати саралаш босқичининг навбатдаги тур ўйинлари бўлиб ўтди. Куннинг энг қизиқ баҳслари ва натижаларига тўхталамиз.

Қозоғистондан йирик ғалаба

“Ж” гуруҳининг 7-турида Қозоғистон ўз майдонида Лихтенштейнни қабул қилди. Аввалги даврада 0:2 ҳисобида ғалаба қозонган қозоғистонликлар бу сафар янада ишончли натижа қайд этди.

26-дақиқада Ғалимҳон Кенжебек ҳисобни очди, орадан икки дақиқа ўтиб Бахтиёр Зайнитдинов фарқни оширди. Иккинчи бўлимда Кенжебек дубль қайд этди, 81-дақиқада эса Қосим Алибек сўнгги голни урди.

Қозоғистон — Лихтенштейн 4:0
Голлар: Кенжебек (26, 59), Зайнитдинов (28), Алибек (81).

Қозоғистон: Сейсен, Қайров, Вороговский, Алип, Қосим, Қуат, Зайнитдинов, Оразов, Кенжебек, Самородов, Чесноков.

Германиядан ишончли ғалаба

Саралашни кутилмаган мағлубият билан бошлаган Германия терма жамоаси ўз майдонида Люксембургни йирик ҳисобда мағлуб этди.

12-дақиқада Давид Раум ҳисобни очди. 21-дақиқада Йошуа Киммих пенальтидан гол урди. Иккинчи бўлимда Серж Гнабри (48) ва яна Киммих (50) томонидан киритилган голлар ҳисобни йириклаштирди.

Германия — Люксембург 4:0
Голлар: Раум (12), Киммих (21 пен., 50), Гнабри (48).
Четлатиш: Карлсон (20, Люксембург).

Германия: Бауманн, Та, Шлоттербек (Антон, 61), Раум (Браун, 82), Горетцка, Павлович, Гнабри (Байер, 68), Виртц, Адейеми (Баку, 61), Волтемаде (Буркардт, 61).

Франция ғалабали сериясини давом эттирди

“Д” гуруҳида етакчилик қилаётган Франция ўз майдонида Озарбайжонни қабул қилди. Илк бўлимда меҳмонлар жуда интизомли ҳимоя ўйини намойиш этди ва мухлислар биринчи голни фақат 45+2-дақиқада кўришди — Килиан Мбаппе ҳисобни очди.

69-дақиқада Адриен Рабио, 84-дақиқада эса захирадан тушган Флориан Товен гол уриб, Францияга навбатдаги йирик ғалабани тақдим этди.

Франция — Озарбайжон 3:0
Голлар: Мбаппе (45+2), Рабио (69), Товен (84).

Франция: Менян, Густо, Салиба, Упамекано, Эрнандес, Тюрам, Рабио (Камавинга, 71), Коман (Нкунку, 79), Олисе (Аклиуш, 71), Экитике (Матета, 80), Мбаппе (Товен, 83).

Украинадан сафарда голли спектакль

Рейкьявикда бўлиб ўтган Исландия – Украина баҳси турнинг энг томошали учрашуви бўлди. Жами 8 та гол киритилган беллашувда украинлар таъсирли ғалаба қозонди.

14-дақиқада Руслан Малиновский ҳисобни очди, 34-дақиқада Эллертсон тенглаштирди. Биринчи бўлимда Гутсуляк ва Малиновскийнинг голлари Украинага 1:3 ҳисобда устунлик берди.

Аммо иккинчи бўлимда Исландия етакчиси Гудмундссон икки бор (59 ва 75) дарвозани ишғол этиб, ҳисобни 3:3 қилди. Шундан сўнг Украина яна ҳужумларга ўтди — 85-дақиқада Калюжний, 89-дақиқада эса Олег Очеретко гол уриб, ҳисобни 3:5 кўринишига келтирди.

Исландия — Украина 3:5
Голлар: Эллертсон (35), Гудмундссон (59, 75) — Малиновский (14, 45+5), Гутсуляк (45), Калюжний (85), Очеретко (89).

Украина: Трубин, Миколенко, Матвиенко, Забарний, Конопля, Калюжний, Шапаренко, Судаков, Малиновский, Гутсуляк, Ванат.

Шу тариқа, 7-тур натижаларига кўра:

— Франция ва Германия ғалабали сериясини давом эттирди;

— Қозоғистон кетма-кет мағлубиятлардан кейин мухлисларини қувонтирди;

— Украина эса сафардаги голли драмани ўз фойдасига ҳал этди.

Европадаги саралаш баҳслари шиддат билан давом этмоқда ва келаси турда яна бир қатор марказий учрашувлар кутилаётгани маълум қилинди.