Пенсия жамғармаси фуқароларнинг «пенсиям пластик картамга қачон тушади ёки нақд шаклда қачон оламан?» каби саволларига жавоб берди.

Унда айтилишича, Пенсия жамғармасининг туман (шаҳар) бўлимлари ҳар тўлов ойининг 2-кунига қадар тўлов топшириқнома (ведомость)лар шакллантиради ва ведомостлар ойнинг 4-кунига қадар пенсияни фуқароларга етказиб бериш юкланган ташкилотга тақдим этилади.

Шунингдек, Халқ банки томонидан нақд шаклда пенсия олувчиларнинг маблағлари тасдиқланган графиклар асосида сайёр кассалар томонидан ҳар ойнинг 4-27 саналарида маҳалла фуқаролар йиғинига борган ҳолда тўлаб берилади.

Маълумот учун, Ўзбекистон Республикаси Президентининг 2021 йил 4 майдаги ПҚ-5102-сонли Қарори билан, пенсия тўловлари учун талаб этиладиган маблағларни Пенсия жамғармаси ҳар ойнинг 5-санасига қадар пенсия олувчиларнинг шахсий ҳисобварақларига (пластик карталарга) молиялаштирилиши белгиланган.

Юқоридагилардан келиб чиқиб, Пенсия жамғармаси томонидан банк пластик картада пенсия олувчи фуқароларга пенсия маблағлари 5 февралгача, нақд пул шаклида олувчи фуқароларга эса 4-27 февраль санасига қадар тўлаб берилиши режалаштирилган.