Эртага юртимиз бўйлаб «Миллий сувенирлар» фестивали бўлиб ўтади

09:45 27 Октябр 2021 Жамият
348 0

Illyustrativ foto

2021 йилнинг 28 октябрь куни республикамизнинг барча ҳудудида «Миллий сувенирлар» фестивали бўлиб ўтади.

Фестиваль доирасида ҳунармандларнинг кўргазма-савдоси, кўрик-танлови, маҳорат дарслари ўтказилади, шу билан бирга фольклор-этнографик гуруҳлари ва бадиий жамоаларнинг чиқишлари ташкил этилади.

Фестивалнинг расмий очилиш ва ёпилиш маросими Ўзбекистон амалий санъат ва ҳунармандчилик тарихи давлат музейида бўлиб ўтади.

Фестивалнинг мақсад ва вазифалари — ички ва ташқи туризмни жадал ривожлантириш, юртимиз фуқаролари ва хорижий ташрифчилар ўртасида мамлакатимизнинг маданий-тарихий меросини кенг тарғиб қилиш, мамлакатимизнинг саёҳат ва дам олиш учун хавфсиз манзил сифатидаги имижини мустаҳкамлаш борасида олиб борилаётган саъй-ҳаракатларга муносиб ҳисса қўшишдан иборат.

Фестивалдан кутилаётган натижа — тадбир иштирокчилари томонидан яратилган миллий сувенирлар савдосини йўлга қўйиш орқали республикамиз музейлари ва маданий мерос объектларига ташриф буюрувчилар тўғридан-тўғри ушбу объектларнинг тарғиботчисига айланади. Бу эса, ҳудудларни барқарор ижтимоий-иқтисодий ривожлантиришга, ҳунармандлар бандлигини таъминлашга ҳамда уларни ҳам моддий, ҳам маънавий қўллаб-қувватлашга хизмат қилади.

Фестиваль якунида «Энг яхши сувенир» номинацияси бўйича ҳар бир ҳудуд учун алоҳида 1 ,2, 3-совринли ўринлар белгиланган ва ғолиблар тадбир сўнгида муносиб тақдирланади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер