Бельгия парламенти кўпчилик овоз билан атом электр станцияларини босқичма-босқич ёпиш ҳақидаги қарордан воз кечди.

Реакторларнинг хизмат қилиш муддатини сақлаб қолиш ва узайтириш учун 102 депутат ёқлаб овоз берди, фақат саккиз нафари қарши чиқди, яна 31 нафари бетараф қолди.

Ҳозирда мамлакатда иккита атом электр станцияси ишламоқда — Антверпен яқинидаги Дуле ва Тианжда жами етти реактор ишламоқда. 2003 йилда қабул қилинган қонунга кўра, дастлаб уларнинг барчаси 2025 йилда ёпилиши режалаштирилган эди.Аммо Украинада уруш бошланганидан кейин ҳукумат атом энергетикасидан чиқишни камида 2035 йилгача қолдирди.

Бельгия Бош вазири Барт де Вевер ва унинг ўнг қанот «Nieuw-Vlaamse Alliantie» партияси энди янада узоқроққа боришди — улар нафақат мавжуд реакторларни сақлаб қолиш, балки янгиларини қуриш ниятида.

Германияда Бельгиянинг қарори хавотир уйғотди, чунки сўз юритилаётган реакторлар 1970 ва 1980 йилларда қурилган ва ўтмишда техник нуқсонлари борлиги аниқланган. Тианждан атиги 60 километр узоқликда жойлашган Германиянинг Ахен шаҳри маъмурияти Бельгия атом электр станцияларининг ёпилишини тарғиб қилишда айниқса фаол.