Байраминг муборак бўлсин, ОНАЖОН!
Онажон! Ғунчадек юз очди тилак,
Умидлар тик тутди бу ҳорғин қадни.
Кўксингга босасан беғубор гўдак—
Бодом гулларига айланган Мартни.
Ўтмишга тик боқиб туясан ногоҳ
Қурт еган олманинг ўкинчларини.
Туясан тунлар ҳам безовта, огоҳ,
Қайғуси, ташвиши, севинчларини.
Мен эса жилғага айланиб сизгум,
Юртим тоғларининг ёноқларида.
Ўзимда ўрикдек гуллашни сезгум
Ҳайратли кунларнинг қучоқларида.
Майсага айландим, гулга айландим,
Саҳарлар йиғлатди мени ҳаяжон.
Табиат тилида шивирладим жим:
Байраминг муборак бўлсин, ОНАЖОН!
Истам ИБРОҲИМОВ
Тавсия этамиз
Кўп ўқилганлар
- «E-ekspertiza» платформаси орқали электрон ҳужжатлар алмашинувини йўлга қўйиш тартиби тасдиқланди
- Нодавлат суд-эксперти сифатида фаолият юритиш янада соддалаштирилади
- «Истанбул Башакшеҳир» меҳмондан ғалаба билан қайтди
- Украинанинг уч вилоятида портлашлар қайд этилди. Қурбонлар бор
- Бу йил Ўзбекистон Пролигасида 14 та жамоа иштирок этади
- Шавкат Мирзиёев Вашингтон шаҳрида Тинчлик кенгашининг дастлабки йиғилишида иштирок этди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг