Раҳимова Нодира / ЎзЖОКУ талабаси. Расмий хабарларга кўра, астронавт Билл Андерс учаётган кичик самолёт Вашингтон штатининг Сиетл шимолида сувга қулаган. Андерснинг ўғли Грег отаси кичик самолётда учаётганини ва унинг жасади жума куни тушдан кейин топилганини тасдиқлади.

Аполлон 8 учувчиси бўлган Билл Андерс коинотдан туриб Ернинг энг бетакрор тасвирларидан бири бўлган "Ернинг кўтарилиши" деб номланувчи суратни олган эди. Ушбу расм 1968 йилги Рождество арафасида туширилган. Унда Ой юзаси уфқдан чиқиб келиш жараёни акс этган.

Бу сурат туфайли сайёрани асрашга эътибор кучайиб, глобал тарзда ҳар йили ўтказиладиган "Ер куни" ташкил этилди.

Шунингдек, у 1969 йил 24 июлда "Аполлон 11" миссиясининг Ойга биринчи қўнишида захира учувчиси сифатида хизмат қилган. 1969 йилда Андерс космик дастурдан нафақага чиққанидан сўнг собиқ астронавт бир неча ўн йиллар давомида, асосан, аерокосмик соҳасида ишлади. 1970 йилда АҚШнинг Норвегиядаги элчиси сифатида ҳам ишлаган.

"1968 йилда "Аполлон 8" миссиясида Билл Андерс инсониятга космонавт бериши мумкин бўлган энг буюк — ўзимизни кўриш имкониятини тақдим қилди", деди НАСА маъмури Билл Нелсон.